Siglir tar il cuntegn

Header

cuntegn

Fusiuns en il Grischun È il schlantsch tschessà?

Aifer ils ultims 20 onns ha il Grischun reducì il dumber da sias vischnancas per passa la mesadad. Oz datti anc 101 vischnancas. La finamira da la regenza eran 50 vischnancas.

audio
È il schlantsch da fusiunar tschessà en il Grischun?
aus Actualitad vom 19.10.2021.
abspielen. Laufzeit 3 minutas 56 Sekunden.

Suenter ch'ils abitants da Sumvitg han declerà en ina retschertga ch’els na lessan pli gugent betg fusiunar cun Trun, na datti betg pli blers projects da fusiun en il Grischun. Sulettamain Laax, Sagogn e Schluein pondereschan da fusiunar. È il schlantsch da fusiunar tschessà?

Svilup dumber vischnancas
Legenda: Suenter ch'il dumber è sa reducì fermamain tranter il 2000 e 2015 è il schlantsch tschessà. RTR Grafica

Il mument vai plitost plaun che svelt

Impurtant saja la voluntad da la populaziun en ina vischnanca, di cusseglier guvernativ Christian Rathgeb. Sche la populaziun lessia fusiunar, lura saja quai da sustegnair.

Sche la populaziun na vul betg, è quai da respectar.
Autur: Christian Rathgeb Cusseglier guvernativ

Ils ultims onns haja il Grischun gì bleras fusiuns. Ina giada giaja quai pli svelt e lura puspè pli plaun. Plinavant dovrian las vischnancas temp da crescher ensemen. La finamira dal chantun è da reducir il dumber da vischnancas sin 50. Co po il chantun accellerar il tempo?

I n`è betg chaussa dal chantun da cumandar nua ch’ins fusiunescha.
Autur: Christian Rathgeb Cusseglier guvernativ

La strategia da chantun e regenza saja da sustegnair las fusiuns. Ma il giavisch per fusiunar stoppia vegnir da la populaziun e da las vischnancas.

Tge vischnancas han fusiunà? Ina survista:

 

RTR actualitad 07:00

Artitgels legids il pli savens

Scrollar a sanestra Scrollar a dretga