Siglir tar il cuntegn

Header

video
Il «Geronto-Slam» a Cazas
Or da Telesguard dals 06.04.2023.
laschar ir. Durada: 4 minutas 37 Secundas.
cuntegn

Geronto slam Simplamain far – 5 dunnas van novas vias

L'atun passà è Elisabeth Schmidt stada ad ina producziun da Poetry slam en il Konsum a Cazas. Là ha ella vis il slam poet e cabarettist Jachen Wehrli ed auters sin il palc. Immediat è ella stada fascinada da questa moda da raquintar ed ha gì endament quai cun sias amias che s'inscuntran mintga emna.

Savens vegn il poetry slam associà cun giuvnas e giuvens che raquintan lur istorgias sin il palc en in grond tempo e cun bler melodia. Questa acrobatica da pleds ha immediatamain tschiffà Elisabeth Schmidt. Ensemen cun las autras quatter dunnas ha in pled dà l'auter ed ellas en vegnidas sin l'idea dad era scriver texts en questa moda e maniera. Entras il stausch dals organisaturs dal Konsum Cazas, han ellas la finala piglià fieu da l'idea da sezzas star sin il palc e recitar lur texts.

audio
Geronto Slam: poetry slam betg be per giuvens e giuvnas
ord Actualitad dals 08.04.2023. Maletg: RTR
laschar ir. Durada: 4 minutas 1 Secunda.

Per pudair far quai èn ellas sa drizzadas a Jachen Wehrli, sez poet da slam e cabarettist. Quel, ha chattà l'idea grondiusa.

Quai è in project infernal. La cumbinaziun da dunnas che han vis tut la vita e vulan ir per l'emprima giada sin il palc.
Autur: Jachen Wehrli Slam poet e cabarettist

Uschia ha Jachen Wehrli cumenzà a far il coachen las tschintg dunnas ed ha ditg ad ellas d'avair il curaschi ed oravant tut bler plaschair da far insatge nov. In zichel gnervusitad e tema da l'agen curaschi inclusiv.

Producziuns

Avrir la box Serrar la box
  • ils 6 d'avrigl 2023, a las 20:00
  • ils 21 d'avrigl 2023 a las 20:00

en il Konsum Cazas

RTR Telesguard 17:40

Artitgels legids il pli savens