-
Bild 1 von 4. La schanza ch'ils scolars fetschian part als gieus olimpics 2026 exista tenor il trenader Jakub Volek. Bildquelle: G. Gabriel.
-
Bild 2 von 4. Ils scolars han d'absolver differents posts. Bildquelle: G. Gabriel.
-
Bild 3 von 4. Suenter trenar forza e cundiziun fa la trenadra er anc exercizis da mobilisaziun cun ils scolars. Bildquelle: G. Gabriel.
-
Bild 4 von 4. Ils talents da hockey na treneschan betg mo sin il glatsch, mabain er cundiziun e forza. Bildquelle: G. Gabriel.
Tavau cun in stadion renovà pront per gieus olimpics?
Questa stad votescha la populaziun da Tavau davart ina renovaziun dal stadion da hockey. Vegni ditg gea, èsi cler ch’il stadion avess il 2026 nivel olimpic, di Marc Gianola, il schef da marketing tar il club da hockey da Tavau.
Plinavant èsi enconuschent ch’i po vegnir manà atras gronds eveniments da hockey en quest stadion.
A la Cuppa Spengler beneventia il HCD mintg’onn 70’000 aspectaturs en in’emna. Ins avessi pia la rutina ed experientscha, manegia l’anteriur chapitani da Tavau.
«Be» hockey da dunnas a Tavau il 2026?
Aerials e Moguls – duas variantas da freestyle, passlung e hockey sin glatsch da las dunnas. Quai èn las disciplinas che duain tenor il concept general avair lieu a Tavau. Cun quest concept na fiss ins betg cuntent, declera Tarzisius Caviezel, president communal da Tavau.
Per nus n'è quai nagin tema. Sche nus vegnin atras questa votaziun e Swissolimpic vul ir vinavant cun il concept dal Grischun vegnin nus schon a guardar che nus survegnin hockey sin il glatsch per ils umens a Tavau.
Ils talents dad oz – olimpionics da damaun?
Mintga glindesdi avantmezdi treneschan intgins scolars da la scola da talents da Tavau sin il glatsch. Tranteren stattan dentant er trenaments da forza e cundiziun sin il plan.
RR actualitad 07:00 / 12:00