A Livigno han lieu il favrer las occurrenzas da Freestyle da skis e da snowboard. Anc adina vegn fabritgà e preparà. Dubis, sche tut è construì per ils gieus olimpics, co che la situaziun è lu propi durant quellas emnas en favrer, quels èn avant maun. Quai di la livignasca Sara Zini. Ma la speranza che tut va bain, quella saja qua.
Nus essan intgantads, però avain era in pau tema perquai che nus na savain betg propi, coi vegn.
-
Bild 1 von 5. Ils grus èn da vesair en l'entir vitg da Livigno. Bildquelle: RTR.
-
Bild 2 von 5. Las infurmaziuns èn avant maun per il plazzal da fabrica dasper la chasa da sanadad a Livigno. Bildquelle: RTR.
-
Bild 3 von 5. IL plazzal gist sper la chasa da sanadad a Livigno. Bildquelle: RTR.
-
Bild 4 von 5. Perlung la via amez Livigno na vesan ins anc nagut dals gieus olimpics. Bildquelle: RTR.
-
Bild 5 von 5. Betg bler dals gieus olimpics è visibel en la zona da peduns da Livigno. Bildquelle: RTR.
Dubis da betg esser pronts ...
Sch’ins passa tras la vischnanca, na vesan ins betg bler dals gieus olimpics. Lung la via per il traffic èn bain bandierettas dals gieus, però en la via da flanar amez il vitg cun ils restaurants ed ils affars, na vesan ins nagins anels olimpics.
Gronds indizis èn però ils dus gronds plazzals da construcziun. Dad ina vart da la val èn er uss mo chavaterras vid modellar il terren. Ed il bajetg dad in grond parcadi «Mottolino» cun passa 500 parcadis n’è betg anc finì.
... però segir che tut funcziunescha
Era sch'i dat dubis tar ils Livignascs e Livignascas che tut saja la finala pront per ils gieus olimpics da quest favrer, restani optimistics che l'infrastructura saja pronta a temp.
Nus na savain betg, tge che vegn a capitar. Dubis hai jau. La fin vegn però tut bun.
Dentant è per la glieud da Livigno era cler ch'ins vegn era a perder l'in u l'auter giast durant ils gieus olimpics. Giasts che vegnissan senza ils gieus olimpics a far vacanzas il favrer. Quai di Carlo Galli (80 onns).
Per dir la vardad n’ha Livigno betg basegn dals gieus olimpics. Per esser sincer ha Livigno gia blers giasts. Ussa han els fatg quai che è per mai memia grond.
La speranza ch’ils indigens e las indigenas da Livigno han, è chwe las novas infrastructuras bajegiadas vegnan era duvradas. Quai era suenter ils gieus olimpics.