Siglir tar il cuntegn

Header

cuntegn

Grischun «Glamping» datti er en il Grischun

Brassar sper il fieu, durmir en la tenda, levar cun il sulegl e cun il chant dals utschès - camping è vacanzas per glieud che ha gugent la natira. Dentant en il Grischun sco en l'entira Svizra sa sbassa il dumber da pernottaziuns sin campings.

audio
Bunura: damain pernottaziuns sin campadis grischuns
ord Actualitad dals 04.08.2015.
laschar ir. Durada: 2 minutas 16 Secundas.

Ils davos 5 onns è il dumber i enavos en Svizra per 27%, en il Grischun per 23%. Betg uschia a Fontanivas sut Mustér tar Renata Gadola. Ella ha - cun exepziuns - ils davos onns adina gì cifras da giasts creschentas.

Glamping - in nov trend

audio
Bunura: Glamping sin campadis grischuns
ord Actualitad dals 04.08.2015.
laschar ir. Durada: 1 minuta 3 Secundas.

In nov trend sa numna «glamping», ina maschaida da «glamour» e «camping». Cura exact ch'il camping vegn tar il glamping n'è betg uschè cler. Il factur da glamour variescha. Dorman ins dentant en in chaset da laina cun letg, electricitad, glisch e stgaudament è quai per blers gia «glamping». Als manaders dals campings na plascha quai pled dentant betg uschè bain. Renato Garofani fa la proposta da numnar quai «camping da comfort» pertge cun glamour na haja camping betg da far propi bler.

Artitgels legids il pli savens