«Il focus n'è betg stà il cumbat da la midada dal clima». Quai è il facit da tschintg activists dal clima, tranter els Greta Thunberg. Sco els han ditg il venderdi ad ina conferenza da pressa: sulet pleds na bastian betg. Greta Thunberg conceda dentant, ch'ella n'haja betg spetgà insatge auter «da quels pèr demunis». Ellas vegnian a cuntinuar cun lur protestas.
A las 11:00 han enturn 80 activists ed activistas demonstrà davant la chasa communala a Tavau. Gia avant in onn ha la Svedaisa fatg questa demonstraziun. Quest onn survegn ella dentant in toc dapli attenziun.
RTR actualitad 12:00