Siglir tar il cuntegn
cuntegn

Grischun Grillar, ma senza bacterias e scherms

Cun ils dis che vegnan pli chauds ha er la stagiun da grillar entschet. Ina saira da barbecue po dentant era prender ina fin cun in' infecziun da victualias. Per evitar in' infecziun da vivondas cun grillar pon ins risguardar in pèr simplas reglas.

charn sin il grill
Legenda: Per evitar in' infecziun da vivondas cun grillar èsi impurtant da controllar che la charn saja vairamain cotga. Pixabay
Stgaudar avunda la charn.

Quai è tenor Mark Stauber da l'Uffizi federal per segirtad da vivondas la pli impurtanta mesira per evitar da vegnir malsaun cun grillar. «I dependa da la charn. Tar giaglinom e hamburgers èsi segir bun da controllar che la charn saja brassada atras e betg pli rosa.»

Il segund punct è da separar la charn criva. «Charn criva na duess betg vegnir en contact cun vivondas ch'èn prontas per consumar», accentuescha Stauber. Tagliers ch' èn vegnids duvrads per charn criva na duess' ins uschia betg duvrar per la charn grillada. Er tar ils auters utensils da cuschina stons ins esser precaut: Tagliar in toc charn e suenter duvrar la medem tagliola e cunti per tagliar tomatas n' è betg bun. Ils rests dalla marinada na duess' ins tenor Stauber er betg duvrar vinavon per spisas che na vegnan betg cuschinadas. «Er tar charn schelentada ston ins dar adatg ch' il suc da la charn na vegnia betg en contact cun autras spisas ch' èn promptas per magliar.»

RR actualitad mezdi