Grischun - Grischelectra SA 2014 – vendì -2,5% electricitad
Tuttina ha l'interpresa d’electricitad grischuna pudì sbursar var 5,5 milliuns francs al maun public. Quai saja tant bler sco en la perioda avant, ha communitgà la Grischelectra SA il glindesdi a la radunanza generala.
… è ina societad d’electricitad giuridicamain independenta, ch’è vegnida fundada dal 1978.
… ha l’intent da nizzegiar l’energia che vegn producida da chantun e vischnancas grischunas.
…ha acziunaris A (70% dad aczias) cun p.ex. chantun, vischnancas, ovras electricas ed acziunaris B (30% dad aczias), la Repower SA e l'Axpo.
En tut ha la Grischelectra vendì 682milliuns uras kilowatt - in minus da 2,5 pertschient cumpareglià cun l'onn avant.
5,5 milliuns per il maun public
Malgrà ch’ella ha vendì damain energia, ha la Grischelectra pudì sbursar 5,5 milliuns (2014/15: var 5,6 milliuns) al maun public – concret a las vischnancas concessiunarias da las Ouvras Electricas d’Engiadina SA OEE, a la vischnanca da Mesocco ed al chantun.
Peter Lustenberger nov en il cussegl d’administraziun
Peter Lustenberger, ch’è nov en il cussegl d'administraziun da la Grischelectra, è represchentant dal concern d'energia Axpo.
