Curt e concis
- Pervia dal privel da lavinas datti restricziun en il traffic sin via e sin binari.
- Samignun e la Val Müstair èn isolads pervia dal privel da lavinas.
- l'Engiadina Bassa e mo cuntanschibla sur il Vereina.
En il Grischun chattan ins la dumengia bellas cuntradas d'enviern. La ferma navaglia ha però er consequenzas che fan pli pauc plaschair:
La Val Müstair è isolada enfin almain mardi: il Pass dal Fuorn resta serrà. Er Samignun è isolà e l'Engiadina Bassa è da cuntanscher be tras il tunnel dal Vereina – e quai mo fin dumengia saira a las otg. Davent da las otg vegn la via tranter Giarsun e Lavin serrada. Lura è er L'Engiadina Bassa tranter Ardez e Martina isolada.
Er en l'ulteriur Grischun datti restricziuns da traffic
Ma era la situaziun en l'ulteriur Grischun vegn adina pli precara. Il suentermezdi eran singulas vias e singuls trajects da la Viafier serrads. En il decurs da la saira serran dentant adina dapli vias. Quai pertutga cunzunt er la Surselva.
Ed a Tavau han las autoritads ordinà a 20 chasadas dad ir en localitads segiras la saira.
Grond privel da lavinas
En il Nord dal Grischun è mo il pass dal Lucmagn serrà. Il privel da lavinas è dentant er en il Nord grond. Tenor l'institut da naiv e lavinas a Tavau vala in privel da lavinas 4 - pia il segund aut stgalim
-
Bild 1 von 7. La via tranter Mustér e Sumvitg è vegnida serrada pervia dal privel da lavinas. Bildquelle: RTR, Gion Hosang.
-
Bild 2 von 7. Staziun da Mustér. Bildquelle: RTR, Gion Hosang.
-
Bild 3 von 7. Pliras lingias da tren en il Grischun èn interrutta pervia dal privel da lavinas. Bildquelle: RTR, Flavio Bundi.
-
Bild 4 von 7. Il pass restà serrà enfin mardi e la Val Müstair restà damai isolada vers la Svizra. Bildquelle: RTR, David Spinnler.
-
Bild 5 von 7. La Val Müstair è isolada. Bildquelle: RTR, David Spinnler.
-
Bild 6 von 7. Cun tanta naiv è il privel da lavinas en grondas parts dal Grischun grond. Bildquelle: RTR, Anna Caprez.
-
Bild 7 von 7. Ina grossa cuverta da naiv en Surselva. Bildquelle: RTR, Linus Livers.
RR novitads 06:00