Legenda:
Ils representants dad auto da Posta e Sendas Svizras (da san.) : Michael Roschi, Daniel Schlatter, Werner Glünkin, Manfred Kürschner
RTR, G. Gabriel
cuntegn
Grischun - Auto da posta – ma en versiun cabriolet
Auto da Posta e Sendas Svizras èn partenaris. Il simbol per quest partenadi è in auto da posta senza tetg. Suenter ina pausa da passa 40 onns prenda Auto da Posta puspé en funcziun in cabriolet.
Plaz ha il nov cabrio per 20 persunas. Pendularis na pon dentant anc betg sa legrar sin in viadi al liber. «Nossa finamira a vista mesauna è dentant dad er utilisar il cabrio sin tut las lingias», declera Manfred Kürschner, manader dalla regiun Grischun dad Auto da Posta.
Tgi che vul tuttina giudair in viadi cun il cabriolet sto cudischar quel ordavant. I vegnia scrit ora divers viadis, uschia Kürschner. En emprima lingia vegnia il cabrio en funcziun per viandants en il Grischun. Sco emprim fa el dentant aunc ina tura tras l'entira Svizra.
