Ils temps da mantels da pels vulp e cumpagnia èn per gronda part vargads – almain en nossas regiuns. Quai che resta èn magari anc cuvertas da letg cun talas pels.
La fiera da pels a Tusaun datti tuttina
Mintg’onn da quest temp sa chattan martgadants e chatschaders – schegea ch’i na dat betg propi pli bler da martgentar. Tut ils trais martgadants ch’eran sin la faira han pajà il medem pretsch, numnadamain 10 francs per in fol da vulp.
7 pors selvadis, 62 tais e 254 fiergnas
Las vulps n’eran betg la suletta preda ch’è vegnida martgentada. Era fols da tais, da fiergnas e perfin da pors selvadis han chattà novs possessurs.
Survista pretsch da pels vulp dals ultims onns
| onn | pretsch |
| 2016 | 10.00 |
| 2015 | 15.00 |
| 2014 | 20.00 |
| 2013 | 15.00 |
| 2012 | 15.00 |
| 2011 | 10.00 |
| 2010 | 05.00 |
Co Peter Hofstetter, rauba da pel a Flawil, ha orientà, sa drizzan ils pretschs adina suenter il martgà da vendita.
Il pretsch da pels fiergnas è sa muvì ils davos onns tranter 20.-- e 30.-- francs.