Las Dominicanas da la claustra da Cazas èn actualmain en quarantina. Suenter in cas da suspect hajan ils tests mussà intgins resultats positivs, scrivan las gasettas da Somedia. Dapi venderdi passà valia perquai ina quarantina.
Fin ier eran betg main che 14 soras vegnidas malsaunas da Covid-19 ed isoladas en stanzas libras da la claustra. En quarantina èn dasper las soras er il persunal da la claustra da Cazas.