Siglir tar il cuntegn

Header

audio
Filisur dastga tuttina giugar teater
Or da Actualitad dals 09.03.2020.
laschar ir. Durada: 03:30 minutas.
cuntegn

150 persunas sco dumber critic Gust e frust per l'uniun da teater Filisur

Dentant che la premiera è vegnida annulada pervi dal coronavirus, han las dus preschentaziuns da la davosa fin d'emna gì lieu sco planisà. Sco quai che la gruppa da teater scriva sin dumonda, haja quai dentant gì plitost paucs visitaders.

La gruppa da teater da Filisur aveva and ditg giu la premiera da sonda ils 29 da favrer dal toc da trais acts «Wie wär’s mit Tee» da Enrico Maurer. La raschun è stada la limita da 50 persunas ordinada dal chantun. Grazia novas reglas, han las preschentaziuns da sonda e dumengia, ils 7 ed 8 da mars 2020 tuttina gì lieu – quai dentant cun plitost paucas visitadras e visitaders.

La sonda hajan visità circa 90 persunas il teater e la dumengia 19. Plaz avessi gì en la sala polivalenta da Filisur per circa 170 persunas. La gruppa da teater ha dentant era fatg in livestream dal toc da teater, ch'è da vesair sco video sin la pagina da facebook da l'uniun da teater. Cun la preschentaziun da dumengia è la stagiun da la gruppa da teater da Filisur ussa a fin.

RTR actualitad 08:00

Artitgels legids il pli savens

Scrollar a sanestra Scrollar a dretga