Siglir tar il cuntegn
cuntegn

Grischun Central 2 bovas blocceschan la via tranter Filisur e Bravuogn

Tranter Filisur e Bravuogn han duas bovas cuvretg la via. Ina bova è vegnida giu datiers da la chava da glera Filisur ed ina segunda a Bellaluna.

carta cun inditgà la via bloccada
Legenda: Duas bovas èn vegnidas: Ina a Bellaluna tar Filisur, in'autra en la vischinanza da la chava da glera Oldis a Bravuogn. google maps

Suenter dratgadas intensivas sajan duas bovas vegnidas giu la sonda suentermezdi e bloccheschan la via da l'Alvra. A Filisur, en la regiu na Bellaluna, ed a Bravuogn, datiers da la chava da glera Oldis, na saja la via betg passabla. Quai communitgescha la polizia chantunala.

Policists sajan al lieu per giuditgar la situaziun. Persunas na sajan betg vegnidas en las bovas. Il sviament per ir en l'Engiadina saja pussaivel mo via Flüela ubain Güglia, uschia la polizia.

La polizia chantunala quinta da pudair avrir la via la dumengia saira a las 19:00.

RR novitads 17:00