Siglir tar il cuntegn

Grischun Central 30 nursas stgarpadas entaifer in mais

Sin l'Alp Stutz a Spleia èn entaifer in mais vegnidas stgarpadas 30 nursas, quai ha confermà Adrian Arquint, manader da l'Uffizi da chatscha e pestga dal Grischun envers RTR.

luf
Legenda: (maletg da simbol). Keystone

Quai sajan bleras nursas stgarpadas, cumpareglià cun auters cas, ha ditg Arquint envers RTR. Sche vairamain in luf haja stgarpà las nursas, stoppia in test da DNA anc cumprovar, quai saja dentant fitg probabel. Cunquai ch'i dettia dapli lufs, hajan ins automaticamain er dapli problems cun ils animals.

Tenor Arquint stoppian ins dentant l'emprim analisar la situaziun sin l'Alp Stutz e per silsuenter vegnia el a decider, sch'ins stoppia prender mesiras e tgeninas.

RR novitads 20:00