Siglir tar il cuntegn

Grischun Central 30 onns kino Tusaun

Films vegnan mussads a Tusaun schon dapi 60 onns. L'uniun Kino Rätia ha surpiglià il manaschi avant 30 onns. Quai ch'è stà a l'entschatta in salvament, è ussa ina instituziun culturala impurtanta da la regiun.

Thomas Keller
Legenda: Thomas Keller, suprastant da l'uniun Kino Rätia a Tusaun. RTR, Tona Poltera

Il schaner 1988 ha ina gruppa interessada dal film salvà il Kino Rätia. Cun bler idealissem e paca experientscha sajan els sa confruntads cun la nova sfida, di Thomas Keller ch'è davent da l'entschatta en la suprastanza da l'uniun.

Ussa dumbra l'uniun radund 700 commembers e preschenta mintg'onn radund 380 films. Cun introducir il 1991 ils dis dal film mundial ha il Kino Rätia er cuntanschì ina muntada naziunal. Per il giubileum da 30 onns preschenta l'uniun mintgamai in film dals ultims ultims onns d'existenza. L'entschatta fa il film da Daniel Schmid Violanta.

RR actualitad 08:00