Siglir tar il cuntegn

Grischun Central 4,1 milliuns per fusiun Valragn

Il chantun sa participescha cun 4,1 milliuns francs a la fusiun da la nova vischnanca «Rheinwald». Venderdi saira voteschan las radunanzas communalas da Sufers, Spleia, Nufenen e Valragn davart il contract da fusiun.

charta
Legenda: Datti quest onn in'ulteriura fusiun? Grafica - RTR
Da san, ils presidents: Renato Mengelt, Spleia ; Markus Meuli, Nufenen, Thomas Lechner, Sufers, Georg Trepp, Valragn.
Legenda: Da san, ils presidents: Renato Mengelt, Spleia ; Markus Meuli, Nufenen, Thomas Lechner, Sufers, Georg Trepp, Valragn. RTR, F. Belotti

La nova vischnanca Valragn va mo en vigur sche tut las quatter vischnancas dal Valragn din gea a la fusiun.

Pes da taglia fitg differents

Las taxas ed ils pes da taglia da las singulas vischnancas èn fitg differents, il pli aut ha Nufenen cun in pe da taglia da 105% da la taglia chantunala simpla. La pli pauca taglia pajan ils da Sufers ch’èn sin 60%.

Promoziun da la vallada

In’atgnadad da la fusiun è ina lescha che duai promover la vallada. Uschia vegnan 30% da las entradas dal tschains d’aua nizzegiads per promover projects en la regiun. Sufers survegn 62% dals daners, Spleia 18% e Nufenen e Valragn mintgamai 10%. La nova vischnanca Valragn avess bunamain 780 abitants. La fusiun è planisada sin l’entschatta 2017.

RR novitads 06:00