Siglir tar il cuntegn

Header

audio
Mezdi: 20 crediturs han anc dabun daners da l'hotel Cube
Or da Actualitad dals 13.03.2019.
laschar ir. Durada: 5 minutas 54 Secundas.
cuntegn

Grischun Central 400'000 francs debits per hotel CUBE

L'hotel Cube ha tenor la glista da scussiun da l'Uffizi da scussiun Alvra debits da 400'000 francs tar 20 crediturs. Il pi grond creditur è la vischnanca da Surses cun 140'000 francs. Er il Chantun è tranter ils crediturs. La bilantscha n'è dentant betg deponida.

Ils dus gronds crediturs da l'hotel Cube èn il cumin da Surses cun 140'000 francs e las pendicularas cun 70'000 francs. Er il chantun Grischun è cun l'uffizi da taglia tranter ils crediturs. En tut han passa 20 crediturs dabun daners da l'hotel Cube.

Inoltrà opposiziun

Il possessur da l'hotel Cube, Rudolf Tucek ha inoltrà opposiziun cunter las pretaisas finanzialas. Uschia sto prender la via giuridica, tgi che vul vegnir tar ses daners. Il Chantun ha gia inoltrà la via da scussiun. Il cumin da Surses vuless tenor il president Leo Thomann er ir questa via.

Tucek na piglia betg posiziun

Il possessur dal Cube, Rudolf Tucek, ha in di suenter annunziar la serrada da l'hotel, il settember 2018, annunzià al register da commerzi dad esser domicilià a Vienna. Tucek na piglia betg posiziun en chaussa.

RR actualitad 12:00

Artitgels legids il pli savens