Grischun Central - 5 blessads tranter Cazas e Giuvaulta
Suenter che dus autos èn collidads oz suentermezdi tranter Cazas e Giuvaulta èn 5 persunas vegnidas transportadas per controlla en l’ospital da Tusaun.
Datiers da la clinica Beverin vuleva in'automobilista sviar a sanestra cun ses auto cun char annex. In automobilist che vegniva encunter cun ses auto cun char annex, n'ha betg pudì evitar la collisiun.
Tenor la polizia chantunala haja dà donns considerabels tant vid ils autos sco er vid ils chars annex.
