Siglir tar il cuntegn

Grischun Central 50 onns Fundaziun Scalottas

La Fundaziun Scalottas a Scharans daventa quest onn 50 onns veglia. Festivà vegn il giubileum la sonda, ils 24 d’october ad in di da las portas avertas.

Luzi Tscharner, il mainagestiun da la Fundaziun Scalottas.
Legenda: Luzi Tscharner, il mainagestiun da la Fundaziun Scalottas. RTR, F. Belotti

Cun 202 emploiads è ella la pli gronda patruna da la val, la Fundaziun Scalottas da Scharans cun il center da cumpetenza per carstgauns cun in impediment. 73 creschids e 12 uffants vegnan tgirads en ils differents bajetgs a Scharans. La gronda part dals avdants dovra ina tgira permanenta, cun esser classifitgà sin igl stgalim d’impediment il pli aut.