60 oldtimers a Lai - Canera e l’odur da benzin en l’aria

Sco quai che Daniel Capitani dal comité d’organisaziun ha ditg envers RTR, hajan ins vulì porscher insatge als fans dals oldtimers, suenter ch’ins haja stuì annullar pervi da corona la 9avla cursa «Lenzerheide Motor Classics» che fiss stada prevesida il zercladur. Per tuttina porscher insatge als amis dals autos istorics, hajan ins organisà l’inscunter a Lai en in rom pli pitschen che uschiglio.

L’auter onn è la Lenzerheide Motor Classics puspè planisada sco usità il zercladur, nua che passa 200 autos e motos istorics vegnan spetgads.