Grischun Central - 60 onns runals e sutgera da Veulden - Novitads

Grischun Central 60 onns runals e sutgera da Veulden

Dumengia ils 10 da mars festivescha la societad dals runals e la sutgera da Veulden ses 60avel anniversari. Bler è capità en quests onns: Ina giada fiss ella prest ida concurs, in’autra giada devi plans da colliar il territori da skis cun quel da Term Bel/Dreibündenstein, Brambrüesch e Cuira.

Autur: Federico Belotti

Roman Bernard, il manader da fatschenta da la Sutgera e runals Veulden SA.

Questa sutgera è vegnida construida l'onn 2014.

Veulden è cuntanschibel sur ina via da la Tumleastga, e cun ina pendiculara che vegn si da Razén.

Ils plans da colliar ils territoris da skis han però fatg naufragi ils onn 1970. La davosa investiziun gronda è stada la construcziun da la nova sutgera da Veulden a Mutta l’onn 2004 e quella dal runal d'uffants a Mutta l’onn 2011. Naiv artifiziala na datti nagin en il territori da skis. L’interpresa vul dentant sa sviluppar ed installar in runal che funcziuna cun energia da vent en il conturn da l’Alp Raguta. Sche quel project po vegnir realisà n’è il mument betg anc cler.