Siglir tar il cuntegn

Grischun Central 85avel da Gion Giusep Derungs cun concerts da giubileum

Ils 15 d’avrigl ha Gion Giusep Derungs festivà ses 85avel anniversari. En sia onur stat il Chor viril Surses cun ses dirigent Rainer Held sin tribuna cun il HeartKhor ensemble, che ha chantà sut la batgetta da Lisa Appenzeller. I dat dus concerts.

Legende: Video Gion Giusep Derungs abspielen. Laufzeit 3:01 Minuten.
Or da Telesguard dals 21.04.2017.

Il concert a Riom è stà la dumengia da Pasca. Sonda ils 22 d’avrigl a las 20:00 datti in ulteriur concert en l’Arena Grischuna a Cazas. Durant ils concerts datti duas primaudiziuns or da la plima da Gion Giusep Derungs. Quai èn «Cun stiertas e stortas» e «Mors e vita duello».

Durant l'emprova a Salouf.
Legenda: Il dirigent Rainer Held dirigia il chor dapi il 2015. RTR, Federico Belotti

Cun stiertas e stortas (Veta umana)

Cun stiertas e stortas (Veta umana)
Vot eir anfign segl colm, sur sendas, ertadoirs
Lascha chigiu igl mond, cattar post igl martoir.
Cun pass ferm e tampro ties fist pò cò gidar,
Tia veia ast catto, sen chella stost restar.

Rivo ist tigl fastatg, na pôssa cò post far,
Ed oss cun bung partratg ties curs cuntinuar.
Se cò an mez igl gôt mievel boff’igl vent.
Se cò en cant da lod, chigiu fracasch digl vent.

En pass sur igl rumegl pò esser zont fatal,
Perchegl scu da marvegl, cun vista agl final
Sa derv’oss igl vial, tge mond tgi tè anveid!
Matg flours per igl final, steilalvas en saleid!