Siglir tar il cuntegn

Header

Unfall Rofla-Galerie A13.
Legenda: Polizia chantunala dal Grischun
cuntegn

A 13 Collisiun fruntala tar galaria Rofla

Venderdi en damaun hai dà sin la via A13 ina collisiun tranter in auto ed in camiun-tractor. L’automobilist saja vegnì serrà en e sa blessà grevamain, scriva la Polizia chantunala.

L’um da 54 onns ch’abita en l’Italia vegniva la damaun da Valragn en direcziun Tusaun. Suenter la galaria da Rofla è l’auto vegnì sin il vial oppost e collidà frontalmain cun in camiun-tractor. L’automobilist è vegnì serrà en ed ils pumpiers dad Andeer han spendrà el. In team da l’ambulanza ha tractà l’um e la Rega ha lura sgulà el en l’Ospital chantunal a Cuira.

La via è stada serrada bun duas uras. La Polizia chantunala e la procura publica examineschan la raschun da l’accident.

RTR novitads 16:00

Artitgels legids il pli savens