A Cazas han cumenzà las lavurs per la nova praschun

La construcziun dal stabiliment giudizial serrà Realta a Cazas è vegnida lantschada cun l'emprima badigliada. I vegnia a durar circa 3 onns fin che questa construcziun gronda e cumplexa saja realisada, scriva la regenza en ina communicaziun.

Igl è previs da prender en funcziun l'edifizi vers la fin dal 2019. El vegn a custar var 119 milliuns francs. La Confederaziun sustegna quest project cun 33 milliuns francs.

La praschun vegn ad avair plaz per 152 praschuniers e dat lavur a 110 persunas. Da quellas èn circa 30 plazzas che vegnan transferidas a Cazas da la praschun Sennhof a Cuira.

RR actualitad