La regenza ha approvà ils plans per renovar la via principala, la uschenumnada via taliana, tras la Viamala. Tenor la regenza na correspundia il traject da la via tras la Viamala betg pli als basegns ed a las pretensiuns da segirezza ad ina via principala dad ozendi. Perquai veglia ella laschar renovar la via taliana per 12,8 milliuns francs, scriva ella en sia communicaziun.
Il project prevesa da renovar la surstructura da la via ch'è en in fitg nausch stadi sco er da reparar en moda cumplessiva las construcziuns artifizialas, las punts, las gallarias ed ils mirs da protecziun.
Las lavurs da sanaziun duajan vegnir fatgas en quatter etappas annualas, quai tranter il 2019 ed il 2022.
RR novitads 10:00