Anna Junge saja ina sommelière cun passiun ed ina savida impressiunanta, quai scriva il guid d’ustarias, bars e cafés. Ella saja da chasa tant en il Signuradi sco era en il mund internaziunal dal vin, e surprendia ses giasts adina puspè cun sias scuvridas.
Il 7avel cun 19 puncts
Il cuschinier Heiko Nieder che vegn cun ses 19 puncts sin il medem livel sco Andreas Caminada e tschintg auters cuschiniers, cuschina dapi diesch onns en l’Hotel Dolder a Turitg. Ussa saja temp da renconuscher cun la pli auta distincziun sia cuschina che dettia bler lavur, e che saja intelligenta e consequenta, giuditgescha il guid Gault Millau. La nota maximala da 20 puncts n'ha anc nagin cuschinier cuntanschì.
RR actualitad 14:00
