Siglir tar il cuntegn

Header

video
La culla da cristal – istorgias captivantas
Or da Telesguard dals 17.03.2021.
laschar ir
cuntegn

A l'ur da la cuppa mundiala La culla dal desideri

Las cullas da cristal da la cuppa mundiala èn chaussa dal schef. Il president dal comité d'organisaziun n'ha dentant perquai tuttina betg notgs senza sien.

Da tegnair ina giada enta maun ina culla da cristal da la cuppa mundiala è il siemi da mintga atleta ed atlet da ski alpin. «Ina fascinaziun speziala ha questa culla schon» tradescha il schef dal comité d'organisaziun dal final da la cuppa mundiala, Peter Engler. E perquai haja el er vulì empruvar ina giada quest sentiment. Enfin che las cullas vegnan surdadas als victurs e las victuras, èn ils organisaturs responsabels per las cullas. Notgs senza sien chaschunan ellas dentant tuttina betg, uschia Engler.

audio
Responsabel per las cullas da cristal è Peter Engler
02:33 min, Actualitad dals 17.03.2021.
laschar ir. Durada: 02:33 minutas.

Lieu secret

Las cullas èn deponidas en in lieu secret, raquinta Peter Engler. Be la scheffa dal biro da cursa, haja ina clav per la stanza cun las cullas. Ina culla pitschna da disciplina ha ina valur da 2'500 francs. La gronda per il classament general 5'000 francs. La culla da cristal da plum gronda paisa 12 kilos, la pitschna 8 kilos.

RTR actualitad 12:00

Artitgels legids il pli savens

Scrollar a sanestra Scrollar a dretga