Las pendicularas Lai han chattà in nov schef. Davent dal zercladur da l'auter onn surpiglia Thomas Küng quest post. Il Lucernais è actualmain anc il mainafatschenta da las pendicularas da Brunni ad Engelberg.
Tenor la communicaziun dal cussegl d'administraziun da las pendicularas da Lai surpiglia Küng che ha 39 onns il post da Peter Engler. Quel aveva demissiunà l'october per pudair candidar per il post da landamma a Tavau. El n'era dentant betg vegnì elegì.