Siglir tar il cuntegn

Header

cuntegn

Grischun Central Abitaziuns per attempads a Churwalden enstagl a Lai

Churwalden survegn abitaziuns per attempads, manà d'in investur privat. Atgnamain eran las abitaziuns planisadas a Lai. Avant in onn n'han ils burgais da Vaz dentant gnanc laschà s'infurmar da quel project – er sche quel era tractandà.

Grond plaschair per Margrith Raschein la presidenta communala da Churwalden: Avant in onn era en vischnanca mo planisada ina filiala dal center da seniors a Lai. Uss survegn Churwalden in center cumplet.

audio
Bunura: Surbajegiada per seniors a Churwalden enstagl da a Lai
ord Actualitad dals 16.04.2019.
laschar ir. Durada: 3 minutas 20 Secundas.

Ils burgais da Vaz han ditg Na

«Il Na dal burgais da Vaz è stà ina gronda frida» resumescha Karl Dudler, commember dal cussegl administrativ da l'Oase Holding SA, quella saira. Il mars avant in onn era planisà ch'ils investurs e responsabels da la Oase Holding SA preschentan il project per Lai. Sin proposta or da la radunanza dals burgais da Vaz èn las tractandas dentant vegnidas stritgadas ed il project è stà giud maisa.

Cun il Na da Vaz avain nus gì in nov punct da partenza.
Autur: Margrith Raschein Presidenta communala da Churwalden

Churwalden ha sin quai laschà calcular la situaziun per l'atgna vischnanca cunquai «che nus savevan ch'è dad investir en la chasa da vegls Lindenhof».

RR actualitad 07:00

Artitgels legids il pli savens