L'autostrada A13 è stada serrada glindesdi avantmezdi durant radund quatter uras tar Sufers. Curt avant las 10:00 èn in camiun ed in auto da furniziun collidads. Il manischunz da l'auto da furniziun ha stuì vegnir deliberà dals pumpiers ed è vegnì sgulà cun grevas blessuras en l'ospital chantunal a Cuira. Il camiunist è vegnì blessà lev, scriva la Polizia chantunala.
Per transportar davent ils dus vehichels, omadus cun in donn total, è in servetsch da depannagi spezial stà en acziun. Las lavurs da salvament e da rumir han cuzzà quatter uras. Durant quel temp è tut il traffic vegnì svià sin la ruta dal Gotthard.