A Mulegns hai dà in accident mortal en las muntognas. In alpinist è crudà 250 meters en la profunditad e mort al lieu, ha communitgà la Polizia chantunala. L'um da 61 onns era vi da far ina tura da skis en il territori dal Piz Platta cun trais ulteriuras persunas. Cun ir ensi – sin in'autteza da 3'250 meters sur mar – è sa distatgà in pitschen cuflà ed ha tratg l'um ch'era il pli davant da la gruppa sur ina paraid-crap giu.
