Ina dunna tudestga da 21 onns charrava la dumengia suentermezdi da Spleia en direcziun Tusaun. Sin la via curclada da flutsch saja l'auto glischnà e collidà cun la saiv directiva dal vial oppost, scriva la Polizia chantunala grischuna.
La manischunza ed ina segunda dunna ha l'ambulanza transportà cun levas blessuras en l'ospital da Tusaun. Per in temp è in vial da l'autostrada stà bloccà. L'auto è donnegià considerablamain.
RR Novitads 21:00