In'automobilista en in auto da persunas (cun 4 persunas) charrava da Spleia en direcziun Sufers. Sper il lai da fermada da Sufers è ella gartegiada sin il vial sbaglià ed è collidada frontalmain cun in auto da persunas (cun 2 persunas) che charrava en tschella direcziun. Suenter è l'auto collidà cun in terz vehichel - in bus pitschen (cun 9 persunas).
Legenda:
L'accident è capità tranter Sufers e Spleia, sper il lai da fermada.
Google maps
Tut las persunas blessadas èn silsuenter vegnidas sguladas cun la Rega ubain transportadas cun ambulanzas en ils ospitals da Tusaun, Cuira e Glion.
Durant 5 uras èn l'autostrada A13 e la via chantunala stadas serradas.
Ulteriurs detagls sajan ins anc vid sclerir, communitgescha la polizia chantunala grischuna.
RR novitads 15:00
