Grischun Central - Action a Lai - ils mountainbikers èn qua
Lai è en febra da mountainbike. Questa fin d'emna ha lieu il UCI MTB Worldcup. Ils organisaturs fan quint cun radund 15'000 aspectaturs durant las cursas da Nino Schurter e co.
I spetga ina fin d’emna plain acziun a Lai. Ils megliers mountainbikers sco era ils megliers ciclists da downhill dal mund cumbattan a Lai per plazzas da podest.
audio
Mezdi: Lai: Cursas da bike cumenzan prest
03:27 min, ord Actualitad dals 08.07.2016.
laschar ir. Durada: 3 minutas 27 Secundas.
Durant l’entira fin d’emna vegnan spetgads radund 15’000 aspectaturs che vulan guardar las abilitads da Nino Schurter e co. En mintga cas dastgan ils ciclists sco era il aspectaturs sa legrar sin ina fin d'emna cun bler sulegl e temperaturas da stad.
Era il comité d’organisaziun ha plaschair da las aspectativas e sa legra sin ina buna fin d’emna cun usché paucs accidents sco pussaivel. Quai ha ditg Reto Laim, responsabel per las cassas sin l’entir areal da la cuppa mundiala, a RTR.
1 / 8
Legenda:
Avant las qualificaziuns èsi plitost ruassaivel tar la staziun da val Rothorn a Lai.
RTR, Silvana Degonda
2 / 8
Legenda:
Differents teams èn preschents cun stans.
RTR, Silvana Degonda
3 / 8
Legenda:
Era quest onn sa mesiran ils megliers mountainbikers dal mund a Lai. La fotografia mussa la cursa dal 2015.
Keystone
4 / 8
Legenda:
Lavar il velo sto er esser.
RTR, Silvana Degonda
5 / 8
Legenda:
Era suenter ch'ils emprims arrivan...
RTR, Silvana Degonda
6 / 8
Legenda:
...hai anc betg blers aspectaturs il venderdi suentermezdi a Lai
RTR, Silvana Degonda
7 / 8
Legenda:
Er ils pitschens mountainbikers pon anc mussar tge ch'els san.
RTR, Silvana Degonda
8 / 8
Legenda:
Las ristgas da las cursas da downhill n'ên betg da sutvalitar...
RTR, Silvana Degonda
Gia avant bun in’emna han cumenzà las lavurs da construcziun. En acziun èn radund 30 persunas da l’armada e var 200 voluntaris.
