Siglir tar il cuntegn

Grischun Central Action a Lai - ils mountainbikers èn qua

Lai è en febra da mountainbike. Questa fin d'emna ha lieu il UCI MTB Worldcup. Ils organisaturs fan quint cun radund 15'000 aspectaturs durant las cursas da Nino Schurter e co.

Legende: Video Trenament Downhill Lai abspielen. Laufzeit 1:32 Minuten.
Or da RTR dals 09.07.2016.

I spetga ina fin d’emna plain acziun a Lai. Ils megliers mountainbikers sco era ils megliers ciclists da downhill dal mund cumbattan a Lai per plazzas da podest.

Durant l’entira fin d’emna vegnan spetgads radund 15’000 aspectaturs che vulan guardar las abilitads da Nino Schurter e co. En mintga cas dastgan ils ciclists sco era il aspectaturs sa legrar sin ina fin d'emna cun bler sulegl e temperaturas da stad.

Era il comité d’organisaziun ha plaschair da las aspectativas e sa legra sin ina buna fin d’emna cun usché paucs accidents sco pussaivel. Quai ha ditg Reto Laim, responsabel per las cassas sin l’entir areal da la cuppa mundiala, a RTR.

Gia avant bun in’emna han cumenzà las lavurs da construcziun. En acziun èn radund 30 persunas da l’armada e var 200 voluntaris.

RR actualitad 11:00