Siglir tar il cuntegn
Inhalt

Grischun Central Acziun da rumida sin la plazza da tir Valragn

20 fin 30 tonnas restanzas da muniziun, ma er rument civil vegnan specialists da l'armada a rimnar dad oz fin ils 24 d'avust sin la plazza da tir en Valragn.

La plazza da tir a Valragn.
Legenda: La plazza da tir a Valragn. admin.ch

Sper il rumir rument e restanzas da muniziun vegnan era projectils betg explodids siglientads. Per transportar davent l'urden vegnan tranter auter Super-Pumpas da l'armada en acziun. La finamira è da laschar enavos a la populaziun indigena ed als turists ina cuntrada alpina schubra.

La plazza da tir en Valragn vala sco ina da las pli grondas e bain equipadas plazzas da l'armada e vegn duvrada radund 300 dis ad onn, e quai cunzunt da truppas da chars armads, ma er da l'infantaria e da l'artigliaria.

Malgrà che las restanzas da muniziun vegnan mintgamai rumidas suenter mintg'exercizi, resta adina puspè insatge enavos en il territori mal accessibel. Perquai fa l'armada mintga dus onns ina tal'acziun da rumida.

RR novitads 17:00