Avant quatter onns avessan las pendicularas da Spleia Tambo bunamain annunzià il concurs. «L'aua steva sur il nas» bilantschescha Franco Quinter, il president dal cussegl administrativ, ch'è vegnì clamà per salvar la societad. Quinter ha savì persvader las bancas cun ses contacts da desister dals dabuns. Mo uschia saja stà pussaivel da salvar las pendicularas.
Uss cun forzas novas
Ils davos quatter onns hajan ins elavurà in concept da master e la proxima fasa saja da realisar ils singuls projects da quest concept. Quai pretendia fitg bler temp, «temps che jau n'hai betg» conceda Quinter. Uschia saja pli prudent da surlaschar il timun a novas forzas. Tgi che vegn elegì l'atun proxim sco successur n'è betg enconuschent. Las sfidas èn grondas:
Il sprint avain nus dumagnà ils davos quatter onns – il proxims onns èn dumandas qualitads da marathon.
Ed er sch'el saja vegnì sco extern en la branscha turistica e da pendicularas, saja il temp tar las pendicularas Spleia Tambo stà in fitg bel temp e cun bleras experientschas.
