audio
Bunura: Adattaziuns tar il super-g da las dunnas a Lai
ord Actualitad dals 01.03.2016.
laschar ir. Durada: 2 minutas 46 Secundas.
Sco quai che Thomas Jäger, il manader da las cursas a Lai, ha confermà ad RTR vegnia il percurs dal super-g adattà. I sa tractia da bun in terz dal percurs en la part sisum da la cursa. Ins haja gì memia pauc’aua per producir avunda naiv artifiziala. Ussa passa la cursa sin la pista existenta, ed i na dat uschia nagin agen traject per las participantas dal super-g.
La Federaziun internaziunala da skis FIS ha il mardi dà liber il nov percurs. Il nov percurs dal super-g è quasi medem lung sco il percurs planisà, ed era il start n’è betg lunsch davent dal start planisà.