Siglir tar il cuntegn

Grischun Central Affars da la Val d’Alvra avran lur portas

Anc enfin dumengia saira a las quatter ha lieu la terza exposiziun da commerzi en Val d’Alvra «Expo Albula /Alvra 2015». Era l’exposiziun pli baud mo a Casti, pon quest onn sa participar affars da tut ils novs vitg che fan part a la vischnanca fusiunada Alvra.

Dapli che 20 firmas da Mon sur Casti enfin Alvagni sa participeschan quest onn a l’exposiziun. Ils affars vegnan visitads direct en lur manaschis. Sco quai che differents responsabels d’affars han ditg sin dumonda da RTR, saja quai ina buna pussaivladad, da mussar als visitaders las lavurs che vegnian fatgas en ils affars, ed auter che durant l’emna ins possia cun l’exposiziun propi prender peda per las differentas dumondas.