Albula/Alvra: Lantschà emprim referendum

Ina gruppaziun enturn il fiduziari pensiunà Remi Capeder da Casti ha lantschà in referendum cunter la lescha dal provediment d’aua. La lescha è vegnida approvada cun gronda maioritad da la radunanza communala dals 12 da fanadur. Quai è l'emprima giada ch'i dat in referendum en la vischnanca Alvra.

Tut ils lieus da la vischnanca Albula/Alvra duain survegnir in quintadur d'aua modern sco quest qua. Bild in Lightbox öffnen.

Legenda da maletgs: Tut ils lieus da la vischnanca Albula/Alvra duain survegnir in quintadur d'aua modern sco quest qua. RTR, F. Belotti

En ina brev da lecturs en la gasetta emnila «Novitads» scriva Remi Capeder, che bleras votantas e votants duain pudair s’exprimer per la lescha. La radunanza communala saja vegnida visitada mo da 81 da bun 1'000 votantas e votants. Il referendum hajan cun 85 persunas schizunt suttascrit dapli persunas.

La gruppa crititgescha differents puncts da la lescha. Tranter auter che era vischnancas che han gia quintadurs d'aua ston laschar installar in quintadur pli modern. In che po vegnì legì sur func, senza ch'in emploià da la vischnanca sto passar en chasa. La lescha va ussa en votaziun a l’urna, quai senza midadas. La votaziun è dumengia, ils 12 da november.

RR actualitad 17:00