Alp Flex - Chasa-pravenda da baselgia Son Roc è renovada
Probabel plirs tschientaners n’è la chasa-pravenda betg pli stada abitabla. Quai sa mida ussa. A partir dad immediat po l’abitaziun puspè vegnir nizzegiada, e quai betg mo da prers.
Sco quai che Maria Pia Signorell da la plaiv da Surses ha ditg, saja l’idea che l’abitaziun possia vegnir prendida a fit da plevons, mungias, teologs ed autras persunas cartentas interessadas che tschertgan la quietezza e dovran in congedi. Betg pussaivel èsi da nizzegiar l’abitaziun mo per far vacanzas senza intent spiritual.
audio
Alp Flex: Baselgia Son Roc è baselgia ed abitadi en ina
03:10 min, ord Total local dals 21.10.2020.
laschar ir. Durada: 3 minutas 10 Secundas.
Las lavurs èn terminadas
La renovaziun da l’abitaziun ha custà radund 200’000 francs. Finanziada è la renovaziun vegnida entras donaziuns dal maun public e da privats, e cun daners da la plaiv. Las lingias d’aua ed electric èn gia vegnidas fatgas l’onn 2018.