Per Adrian Hirt è persisenza in grond tema. L'anteriur laborant da chemia producescha salsizs uschia sco ses basat fascheva quai. Nagina chemia e salamuira e nagin zutger – mo charn da vatgas veglias, vin e l'aria per setgentar. E natiralmain vegnan las vatgas mazzadas ed elavuradas en la regiun, vul dir en Surselva.
Pli veglia la vatga e meglier il salsiz.
La charn saja vegnida ils ultims onns bler memia favuraivla, savila il fundatur e possessur da la firma «Alpahirt» a Farschno. Ed el conceda che ses products da charn sajan pli chars. I dettia dentant bleras persunas che mangian cun daletg e che sajan era pronts da pajar per mangiativas da qualitad.