Sco quai che Hans Stäbler da la fundaziun militar-istorica Alvra ha ditg, hajan las lavurs da drizzar en il museum custà radund 400'000 francs. Ils daners derivian da donaziuns e dal chantun. Sulet la funcziun da «augmented reality» haja custà 100'000 francs. Cun in tablet èsi pussaivel da perscrutar a moda interactiva il sectur dal commando en il bunker.
audio
Alvagni: Il bunker secret è ussa accessibel per tuts
ord Actualitad dals 02.06.2021.
laschar ir. Durada: 3 minutas 46 Secundas.
En il tunnel d’access, ch’ha ina lunghezza da 180 meters, pon ins leger l’istorgia da la guerra fraida. En il plaun sisum datti in’exposiziun speziala da telefons, nua che radund 1’400 apparats èn exponids. Il museum è avert per gruppas e persunas singulas e per visitar il museum ston ins far ina reservaziun.
