Tge è ina vischnanca senza ustaria? Quai è sa dumandà Markus Beer, il possessur da l'hotel ed ustier tranter ils onns 1976 – 2015. Suenter ch’ils ustiers dals davos prest tschintg onns hajan bandunà l'hotel anticipadamain, saja quel ussa vid. Perquai haja Beer gì ensemen cun amis l’idea da dar a tschains per in pretsch che cuvra las spesas. Diversas uniuns e privats vegnian ad organisar diversas occurrenzas.
Nov fittadin en vista
Suenter Pasca vul l’anteriur ustier far in contract cun in nov fittadin, ils emprims discurs sajan stads empermettents, ha Beer ditg envers RTR. L’idea saja, d'avrir l'hotel puspè la stad. Avessan ils plans da far naufragi, alura ponderescha Beer da magari fabritgar abitaziuns en il hotel. Ma qua na saja atgnamain betg l’idea: «En ina vischnanca tutga ina buna ustaria», di Markus Beer.
Il 2013 è l'hotel Belfort vegnì en las lingias grassas, cun la vendita sur la plattafurma d'aucziuns Ricardo.ch
