Grischun Central - Alvagni viva - Novitads

Grischun Central Alvagni viva

Cun fusiuns da vischancas va a perder l'identificaziun da talas: Quai è adina puspè tema da discussiun tar fusiuns. Uschia neschan uniuns e gruppaziuns che vulan mantegnair l'olma da la vischnanca. Ad Alvagni, dapi il 2015 ina fracziun da la vischnanca Alvra/Albula, s’engascha l'uniun da vischnanca.

audio

Bunura: Pro Alvagni

ord Actualitad dals 18.11.2016.

laschar ir. Durada: 2 minutas 56 Secundas.

Cun la fusiun da vischnancas en la Val d'Alvra il 2015 èn ussa set vischnancas sut il tetg da la vischnanca fusiunada Alvra/Albula. Sco tar autras fusiuns han er persunas d’Alvagni betg vulì perder l'identitad da la veglia vischnanca.

L'uniun Alvagni organisescha uschia diversas occurrenzas, da l’apero da Bumaun enfin tar la festa d'emprim avust ni da la cursa da schlitta enfin la saira da kino.

Anneta Tscharner-Gregori s'engascha en la soprastanza da l'uniunda vischnanca Alvagni che l'identitad da la vischnanca fusiunada na va betg a perder.

Mantegnair l'olma da la vischnanca

Gia a partir da l'entschatta s'engascha Annetta Tscharner-Gregori en l'uniun. Ella è persvasa, che gia be fluras vi dals bigls en vischnanca mussan che la vischnanca viva. Cun l'uniun da vischnanca Alvagni vulan ella e la suprastanza contribuir che l'olma da la vischnanca na va betg a perder.

RR actualitad 07:00