En la fracziun Solis sin territori da la vischnanca d'Alvra han piglià fieu l'avantmezdi tancs da diesel. Blessads n'haja dà nagins e radund 50 pumpiers sajan stads en acziun, scriva la polizia chantunala. L'alarm saja arrivà da las 9:30. Tenor quel sajan tancs da diesel stads en fieu cumplain. Enfin las 11:00 saja il fieu stà stizzà. Ieli ch'è sortì hajan ins pudì pigliar si e pumpar giu.
L'autezza dal donn n'è anc betg eruida. Davart il motiv dal fieu e sch'il fieu ha fatg donn a l'ambient vegn investigà.
RR novitads 17:00