L’interpresa Firhouse Subs ch’ha finanzià l’auto da pumpiers maina 1'200 ustarias en ils Stadis Unids ed en il Canada. Quest onn è vegnida averta l’emprima ustaria en l’Europa, numnadamain a Turitg. L’interpresa è vegnida fundada da pumpiers. Per els èsi impurtant da gidar finanzialmain a corps da pumpiers, en l’America han pumpiers savens fadia da finanziar lur camiuns ed infrastructura. Tenor atgnas indicaziuns ha la chadaina da Firehouse gia subvenziunà pumpiers cun la summa da 75 milliuns dollars. Ed ils pumpiers Alvra cun lur basa a Surava, èn ussa ils emprims pumpiers en l’Europa ch’han survegnì in sustegn da l’interpresa americana.
