Grischun Central - «Alvra» – il nov tren da la Viafier retica
La Viafier retica ha inaugurà in nov tren a chaschun dals dis dal patrimoni mundial da l’UNESCO. En preschientscha da giasts da la politica, l’economia ed il turissem sco er da visitaders è vegnì battegià il tren cun il num «Alvra».
Legenda:
Il president dal cussegl d'aministraziun da la Retica Stefan Engler, il nov directur Renato Fasciati ed il CEO Division Schweiz Markus Sauerbruch en scena cun uffants.
mad
2 / 5
Legenda:
La festa d'inauguraziun a la staziun da Tusaun.
mad
3 / 5
Legenda:
Markus Sauerbruch (s) il CEO Division Schweiz ed il directur da la Viafier retica Renato Fasciati laschan cursar simbolicamain in tren da termagls.
mad
4 / 5
Legenda:
Markus Sauerbruch (s) il CEO Division Schweiz ed il directur da la Viafier retica Renato Fasciati en il nov tren.
mad
5 / 5
Legenda:
Il cumpartiment da fotografar cun las fanestras spezialmain grondas.
mad
Dapi intginas emnas fa la Viafier retica emprovas cun l'emprima da las 6 cumposiziuns novas. 4 cumposiziuns da quest nov tren vegnian a cursar a partir dal favrer 2017 sin la linga da l’Alvra, duas ulteriuras cumposiziuns suondian fin la stad 2017, communitgescha la Retica.
Patrimoni mundial da l'UNESCO
Avrir la boxSerrar la box
Ils 11 e 12 da zercladur èn ils 1. dis svizzers dal patrimoni mundial da l'UNESCO. Er la Viafier retica sa participescha al di svizzer. Dasper l'inauguraziun dal nov tren, curseschan tranter singulas staziuns da l'Alvra er trens da vapur istorics.
Cumpartiment da fotografar
Ils custs per ils 6 novs trens muntan a 124 milliuns francs. Las cumposiziuns han tranter auter ina cumpariment da temp liber ed in da fotografar. Perquai èn las fanestras spezialmain grondas. Tut en tut porscha il tren plaz a 63 passagiers da la 1. classa e da 217 da la 2. classa.
