Siglir tar il cuntegn

Grischun Central Alvra: Indriz Vazerol vegn realisà

La radunanza communala d’Alvra ha approvà in credit supplementar da 550’000 francs per l'indriz Vazerol. Quel duai furnir electricitad ed aua en cas d’urgenza.

A Brinzauls vegn construì l'indriz Vazerol per il provediment d'aua ed electricitad en cas d'urgenza.
Legenda: A Brinzauls vegn construì l'indriz Vazerol per il provediment d'aua ed electricitad en cas d'urgenza. RTR, Federico Belotti

L’onn 2012 aveva l’anteriura vischnanca da Brinzauls approvà 740’000 francs per l’indriz Vazerol. Dapi lura è la vischnanca fusiunada ed era las cundiziuns da basa èn sa midadas. Fin la fin mars 2018 èn gia vegnids investids radund 220’000 francs, ma cun la nova evaluaziun dal custs èn las investiziuns totals creschidas sin radund 1,3 milliuns francs. La radunanza communala ha sin proposta da la suprastanza unanimamain approvà il credit supplementar da 550’000 francs.

Gudogn da dapli che 290’000 francs

La radunanza communala da l’Alvra ha era approvà il quint annual dal 2017 quel serra cun in surpli d'entradas da radund 292’000 francs tar investiziuns totalas da radund 14,5 milliuns francs.

RR novitads 10:00