Anavant Surses collavura cun la nova Societad anonima Savognin Bivio Alvra, ch’è ida en vigur il matg da quest onn. Lezza resta responsabla per il manaschi operativ da la destinaziun turistica.
Mintgin duess pudair plazzar sias ideas en l’uniun «Anavant Surses», e quai tar dumondas en connex cun il turissem ed insumma tar dumondas economicas e culturalas per la val. Tranter auter duess vegnir integrada en l’uniun «Anavant Surses» er l’organisaziun «Famiglia Savognin», che resguarda ils interess dals proprietaris da segundas abitaziuns.
Presidiada vegn l’uniun «Anavant Surses» da l'impressari Luzi Thomann.
RR novitads 11:00
